Hopp til innhold

Søk

Attvin strategi

Strategi 2026-2030

Saman med resten av bransjen står Attvin ovanfor ei rekke utfordringar og moglegheiter den kommande tida. Strategien vår er utarbeidd med utgangspunkt i desse og skal gjere oss betre rusta for å lukkast med overgangen til ein mest mogleg sirkulær økonomi.

I strategien for 2026-30 har vi identifisert ei rekke satsingsområde.

Ein kompetent organisasjon

Skal vi lykkast med ambisjonane våre, må vi ha ein organisasjon som har rett kompetanse, gode system og kontroll på grunnleggande krav og prosessar. Stadig strengare myndigheitskrav krev at vi jobbar systematisk med etterleving, dokumentasjon og kontinuerleg forbetring.

Vi skal sikre robuste anlegg og forsvarleg drift, og styrke arbeidet med mellom anna HMS, industrivern, vedlikehald, sertifiseringar og økonomisk styring. Oppgraderinga av vassbehandlingsanlegget er eitt av fleire viktige grep.

Ein kompetent organisasjon handlar også om menneska våre. Vi skal utvikle og ta vare på kompetansen vi treng, slik at Attvin er rusta til å møte både dagens krav og morgondagens utfordringar.

Den sirkulære omstillinga

Den sirkulære omstillinga utfordrar den tradisjonelle rolla vår som avfallsaktør. Når målet er at mindre skal bli avfall, må vi både utvikle dagens verdikjeder og finne nye måtar å skape verdi på.

Vi skal legge til rette for ombruk og materialgjenvinning, men også utforske kva rolle Attvin skal ta innan avfallsreduksjon og sirkulære løysingar. Det krev at vi utviklar både anlegg, kompetanse, samarbeid og forretningsmodellar.

Ambisjonen er at meir av verdiskapinga skal skje i regionen, og at ressursar som i dag forlèt oss som avfall, i større grad kan bli råvarer og grunnlag for nye verdikjeder.

Ein konkurransedyktig aktør

Kundane våre samanliknar oss ikkje berre med andre aktørar i avfallsbransjen, men med dei beste tenestene dei møter elles i kvardagen. Det stiller krav til både kvalitet, tilgjenge, enkelheit og profesjonalitet.

Vi skal derfor utfordre oss sjølve på korleis vi kan levere betre og meir effektive tenester. Konkurransekraft handlar om å finne den rette balansen mellom pris, kvalitet og miljønytte, og om å skape kundeopplevingar som gjer at vi blir valde fordi vi leverer godt, ikkje berre fordi vi er tilgjengelege.

Utvikle lovpålagt tilbod

Vi opererer i ein bransje der både krav, forventningar og behov er i rask endring. Nye nasjonale og europeiske krav stiller stadig høgare krav til kjeldesortering, materialgjenvinning og ressursutnytting. Samstundes endrar samfunnet seg. Kor og korleis folk bur, alderssamansetjing og ulike behov påverkar korleis tenestene våre bør utformast.

For Attvin handlar dette om meir enn å oppfylle minstekrava i regelverket. Vi må vere i forkant, forstå kva som kjem og utvikle løysingar som er effektive, brukarvennlege og tilpassa framtidige behov. Slik sikrar vi eit robust og relevant lovpålagt tilbod. Også når rammevilkåra endrar seg.